انه أنت
سرت فى درب حياتى...اتحسس طرقات امانيى الخفية....قابلت أناس بعدد قطرات مياة البحر...غصت فى أعين...بعدد قطرات الشتاء....لامست أكتافا....بعدد ذرات الرمال
ورأيتك
لكأنى أرى أعينا لأول مرة....جذبتنى من زنزانتى..أخرجتنى للدنيا..كما يخرج الجنين من بطن أمه
ولمستك
ولكأنى ألمس بشرا لأول مرة....أشعرتنى بـــحنانك..بدفء أحضانك...وهبتنى الحياة....كما يهبها الماء للنبتة الميتة
كنت كالجنين...أختبىء من نفسى فى نفسى...أخشى من دنياى على روحى...أرهب من مخالب البشر على قلبى...أخفيه وأحفظه لمن سيأويه بين صدره
لمن سيطويه بين أضلعه
لمن سيشعرنى بأنى مليكته
لمن سيحملنى بين اجنحته و يرفعنى لألمس أجنحة الشمس
انه أنت..وربى انه لأنت
أنت الحبيب
أنت الرفيق
أنت الأمير
أنت الصديق
أنت العشق الأوحد
أنت أول من همس لقلبى....وسمع قلبى همسك
أنت أول من سبح فى عيني....وأحسست بنبضك
أنت أول من لمس جسدى....وأحسست بروحك
انه أنت
الكلمة الأزلية
لا تتركنى.....عد لأحضانى
لا تتركنى.....عد وامح أحزانى
هاك يدى.....ضمها بيديك
هاك قلبى......ضمة بصدرك
هاك شفتي......ضمهما بشفتيك
هاك روحى......ضمها بـجسدك
انه أنت
العشق الأوحد
ولا سواك
-----------
posted by الأميره أوسه @ 2:07 PM
40 Comments:
At 11:02 PM,
Adel said…
اشطة يا شهاريزو انت بتلاغي احمد بتاعك على صفحات المدونة بتاعة الفرندز اشطة بس بجد انا لو منه اترسم واتقمع عليكي هو بجد ممكن واحدة تحب واحد كده اصل بعيد عنك انا اسمع بس ما جربتش انبي يا اوخشي ابقى فهميني لاحسن انا نازل قر على الواد ده من ساعة ما قريت البوست
At 2:03 AM,
الأميره أوسه said…
مزجانجى
بطل قر بقا سيب الواد يعيش
شوفت شهروز طلعت أخر رقه وحلاوه
تعبتلى قلبى على الصبح
أأأأه من الحب وسنينه
يا بخته صاحب النصيب
شكله هيروق
بس هو مين
أعترفى ياشهروززززز
أأأمواه
أأأأمواه
وكمان
أأأأأأأأأأأأمواه
At 2:59 AM,
3rby said…
ربنا يخليكي
انا حاسس ان الموضوع ده من وحي الشات بتاعنا:)
بس اوعي تكوني صدقتي حكاية الغاء المجانية ديه
احسن انا مابحبش البنات اللي مابتعرفش الهزار......ومش هاعمل اي حاجة من اللي بتكتبيها ديه
وهاخليكي تكتبي بوست بعنوان ظلموه
بس هو ايه اللي عرف المزاجنجي؟...انتي بتسيحيلي علشان العلاقة تبقي رسمية ولا ايه
هو انا طبعا يا اوسه...امبارح وانا باكلمها...لقيتها مش بترد..قولتلها انتي نمتي ولا ايه...قالتلي انا هاكتب بوست في فريندز....خلاص اصبري بس اخلص سانوية عامة...ونشغل الناجح يرفع ايده ودبلة الخطوبة في ليلة واحدة..ههه...ههههه:)
بس يا شهريزوا يا حبيبتي كان المفروض تفاتحيني في الموضوع قبل ماتشهري بيا كده:)
انا مش قادر امسك نفسي من الضحك
سلام بقه احسن اموت هنا وتحتاسوا فيا...وانا عارف ان قلبك مش هايستحمل...أموت واسيبك كده من قبل ما نعيش قصة الحب...ِهريزوااا...عربيييييييييي
At 5:52 AM,
Anonymous said…
مزاجوو
طيب اسكت بقا احسن انا باتكسف
اة يا سيدى هو له حق يتقمع عليا
بس النبى يا شيخ
ماتقرش عالراجل
سيبهولى سليم
At 5:54 AM,
Anonymous said…
اسئووستى
حبيتشى وحشتينى
شفتى البوست الاول كان شكل الكتابفة مفحكش ازاى؟؟
ميرسى يا عمرى انك عدلتيها
بس والنبى تكتبى بدل شهرزاد اتناشر دى شهروزة
كدة الناس حتتوة منى
حاقولك بينى وبينك مش ادام الناس كدة يا شقية
اموااااة
اموااااة يا حبيبة البى انتى
At 5:57 AM,
Anonymous said…
واد يا عربى
هههههههه
اة انا سخسخت فى ايدك يا عربى من كتر السيكس أبيل بتاعتك
وحاذاكر معاك ثانوية عامة من جديد
اصوت يعنى وألم عليك الناس يا عربى؟؟
حد يكتب ثانوية عامة بالسين يا مفترى؟؟
طيب
لما تخلص مذاكرة نتكلم يا خويا
At 5:59 AM,
Anonymous said…
كارمونة المفترية
بقا بدل ما تقعدى تحبى فى الراجل
تموتيه وتشربى من دمه؟؟
هى نظرية برضه
بس انا لاء
انا حأديله روحى ودمى
هو انتى وجرجس خلاص؟؟
اتدبستوا فى بعض؟؟
هههههههههه
با بخته يا اؤختشى
امواااااااة
At 2:33 AM,
BackBone said…
احم احم, هو الموضوع فيه لمس و شفايف و حجات من ديه, طب مش كنتي تقولي قبل ماخطب
يالله بقه اهوه نصيب, كاس و داير عالعباد
اللهم مااني صايم
At 8:26 AM,
Anonymous said…
BackBone
ازيييك يا عم الحاج؟؟
سمعت انك اعتكفت علشان شربت من الكاس؟؟
الف مبروك
-----
اة
الموضوع فيه
تصدق؟؟ظ
At 5:05 PM,
Gbalawy said…
:)
امسكى فيه بأيدك واسنانك
وزى مابتدى كلام اديله فعل
كملى جميلك بقى
At 6:03 PM,
Anonymous said…
Gbalawy
لو اطول اكمل جميلى
كنت كملته
لكن ازاى؟؟
بس ماسكه فيه
بايدى وضوافرى وسنانى كمان
At 1:36 PM,
Anonymous said…
يا دي وجع القلب
شهروزة
كتيير اللي بتعمليه فيا ده
المهم
فيه كلميتن عايزة اقولهم
الموضوع حلو اوي و رقيق اوي و كتابتك في هذا اللون ايضا بعيدا عن النقد و الكوميديا السوداء و اسلوب السخرية اللي دايما بتكتبيه بيه
المهم يعني..ماشاء الله
يا ست الكل انتي موهوبة
ووجعتي قلبي بقي
و سلام
At 2:51 PM,
Anonymous said…
ايبى الجميلة
ياا حبيبة البى
سلامة البك الصغنون
اشكرك يا ستوو على اطرائك
ومش على طول حيبقا نكد ونقد
نشوف نفسنا شوية بقا
ههههههههه
سلام
At 1:18 AM,
LAMIA MAHMOUD said…
رومانسية على الصبح كده
يا فتاح يا عليم .. اية الحب ده كله
يارب يطلع يستاهل يارب .. احسن لو طلع ما يستاهلش الكلام ده كله حبعت لك ناس تخطفه وابقي اعملي فيه انتي اللي انتي عايزاه
احسن انا عارفة صنف البنات ده قلبنا رهيف
At 1:28 PM,
Anonymous said…
LAMIA MAHMOUD
ههههههه
لميا يا عسولة
اكيد يستاهل
ولا انتى شايفة اييييية؟؟
At 5:20 PM,
tamer afify said…
ايه الكلام الجميل ده؟
اسلوبك جميل وبسيط ودي أول زيارة ليا هنا
ربنا يوفقك
تامر العفيفي
At 6:26 PM,
Anonymous said…
tamer afify
اشكرك
انت كلك زوق
وان شاء اللة متكونش اخر زيارة
تعالى زور همساتى الهاربة
زى كدة برضوو
At 1:22 PM,
saso said…
ايه يا بنتي ده
انتي علي طول جميلة كده
والنبي والنبي ما تقلبي خليكي كده حبه
لاحسن الايام دي موسم كل ماسال بنت مالك تعيط
انتي مش بتعيطي صح
حبه جد بقي: باحب طريقتك وكلامك موووووت
At 10:23 AM,
Anonymous said…
saso
سااااسو الاموورة
ازيك
هههههههههه
يا حبيبة البى انا مش باعيط كتير
ولو عيطت متخافيش
مش باورى حد انى باعيط
بيبقا بينى وبين روحى كدة
يعنى مش تقلقى يا قمر
الشوطة بعيدة عنى دلوقتى
ربنا يخليكى يا رب على المجاملة الحلوة دى
وزى ما انتى عارفة
اللى من القلب
لن يصل الا للقلب
امووووووة يا قمر
At 10:32 AM,
كلبوزة لكن سمباتيك said…
يا حلاوة يا ولاد في حب كده
امال الراجل بتاعي مش بيقولي جعمزي في احضاني لية
يا شهروزة يا اختي داري علي بوستك يايد
البلوجرية كلهم قروا عليكي دلوقتي حتمسكي الواد تقطعي في شوشته
حاكم كلنا محاريم
و نفسنا حد يبعبر لنا كلام هويام و غورام و الذي منه
معكيش حته رنجة لحسن الكحك حايح علي صدري
بحبكم
At 3:27 PM,
Radwa said…
بوستك جميل يا شهروزه ودى اول مره ازور مدونتك وان شاء الله مش اخر مره كلامك جميل وحبك اجمل يا ريت تقدرى تحافظى عليه
At 3:11 AM,
maged stephen said…
الحب هو قمة المقدرة على الضعف تجاه الاخر
يا بخته يا بخته
At 10:46 AM,
Anonymous said…
كلبوزة سمباتيك
ههههههههههههه
اة والله
بعد كل خناقة أحس ان فيه حد نق علينا
بس هى منكم يا حبيبة البى زى العسل على البى
اة يا كلبوزة
فيه حد يستاهل كدة
At 10:48 AM,
Anonymous said…
sendrlla
اهلا بالاسم رمز الرومانسية والشاعرية
أشكرك يا جميلة
تنورى على طول
At 10:51 AM,
Anonymous said…
maged stephen
مش ضعف يا عزيزى
انه الذوبان الكامل والانصهار فى ذات الآخر
انا أعشق هذا الذوبان
========
والنبى تقوله
دة بخته من السما
At 7:34 AM,
LAMIA MAHMOUD said…
مؤلمة اوي
بس الكلام بتاع عد وتعالى ده لازم يتقال لانسان يستاهل
لانه لو طلع لانسان معندوش قلب اصلا حيبقى اسوأ كلام اتقال في الدنيا
الاسلوب اكثر من رائع
At 11:34 AM,
Haitham Abu Akrab said…
فيه حاجه ف الدماغ كنت عايز اعملها بوست بس يلا نصيبكو انها تتعمل
كومن
---------
وليله وليه منغير الف
سهرانها مع عيونك وديكك مقتول
علشان ليلي يمد يطول
ومصحاش فجاه علي صريخه
وليله وليله وياكي
بعتنا شهرزاد المول
وشهريار زمانه سهران فاي كافيه
ونسينا الهم
ولما اتلاقينا بعنينا حصل زلزال
خلي كل جواري القصر
هربو بعيد
وسيافك هرب ومجاش
انا مستناش
علطول خدك فاحضاني
وقلت انا
ياقاتل هنا يا مقتول
وليله وليه منغير الف
حقوق النشر محفوظه
At 1:28 PM,
orthos said…
حلوه أوى
أى كان هو...يابخته
;-)
At 10:24 AM,
Malk Almasria said…
مساء الخير
بجد يا بخته
ملك المصرية
At 5:49 AM,
Unknown said…
لكم انا مشتاق لهذه اللمسه التى تشعرنى بكل هذه الاحاسيس و المشاعر
مشتاق لهذه اللمسه الصادقه جداً
تحياتى على رقه مشاعرك
At 7:09 AM,
Anonymous said…
LAMIA MAHMOUD
معلش يا اعزائى أعتذر عن التأخير فى الرد الشهروزة واخدة وقت طويل فى المتابعة وكمان شغلى ضاغط شوية
=============
حتى لو مكانش يستاهل يا عزيزتى
وقت الاحساس
مبتفكريش
اذا كان يستاهل ولا لاء
كل اللى بيحصل احساسك وبس
ولتذهب أى عتبارات للجحيم
تحياتى يا جميلة
At 7:11 AM,
Anonymous said…
هيثم أيو عقرب
حلوة بجد
بالعامية بس حلوة أوى
خصوصا ان فيها شهرزاد وشهريار
تحياتى
وحقوق نشرك محفوظة
At 7:12 AM,
Anonymous said…
soul
شكرا يا جميلة على الاطراء
نورتينا هنا لأول مرة
والنبى تقوليله
يا بخته بيا فعلا
At 7:14 AM,
Anonymous said…
Malk Almasria
اهلااا يا ملك
الله يخليكى
يا بخته بيا
ويا بختى بحبى له
بجد بيغير الدنيا فى عينى
At 7:16 AM,
Anonymous said…
whyme
أكيد اللمسة دى موجودة
بس منتظراك على الجانب الآخر
لها وقت مكتوب
وزمان معلوم
حتى تشعر بروعتها
أشكرك على الاطراء
At 11:44 AM,
Ahmed said…
إلى جميع الأخوة و الأخوات
زميلتنا المدونة وينكي تعرضت لموقف خطير أدى لحذف مدونتها، و مما تسبب لها باحباط شديد فقررت ترك الكتابة إلى الأبد و اعتبرت نفسها ميتة
و لأننا نحن المدونون كلنا يد واحد و رزمة أقلام مجتمعة، أتمنى أن تشاركونا بهذه الحملة لاقناع وينكي العزول عن موقفها السلبي و لمعرفة ما حصل معها تماما
رابط الحملة وينكي لن تموت من هنا
أرجو من الجميع مساندة الأخت وينكي
http://gayofsun.blogspot.com/2007/04/blog-post_29.html
At 11:55 AM,
Eduardo Waghorn said…
Salaam!
My name is Eduardo, I was invited to write on UWBlog, so I wanted to say you: hello! and invite you to visit my space too.
It is in spanish, but you can translate it.
Greetings and warm hug from Chile!
At 2:51 PM,
ذو النون المصري said…
كل عام انتم بخير
تقبل الله منا و منكم طيب القول و صالح العمل
At 4:45 PM,
simple girl.. ..simple dream said…
بجد جميل اوووى
بس يارب يكون يستاهل كل الاحاسيس دى
حاكم دول صنف الدلع مابيفعش معاه
ابئى تعاليلى وانا اعلمك ازاى تمشيه على العجين مايلخبطوش
At 12:05 PM,
linda said…
كلمات روعة
لي عودة في الجديد ان شاء الله
تحياتي
Post a Comment
<< Home