FRIENDS

Tuesday, September 26, 2006

الكفن الأبيض


الكفــن الأبيــض
قصة من واقع الحياة
وقفت فى شرفتها تستعرض ذكرياتها وكلما أقتربت من ذكرى ليلةعرسها كلما شعرت بغصه داخلها قد مر على زواجها وطلاقها أربع سنوات عاشتها دهرآ وسنين مع الذكرى والآلم،، تجرعت كؤس الخوف والزل ولم تشعر فى ليلة عرسها سوى بالقهر والذل تتذكر ليلة قتل برائتها وسادية عريسها فى التعامل معها وكيف أنها شعرت بأنها على وشك الموت من عنفه وكلما توسلته فى التوقف عن ساديته كلما أزداد فى قهره لجسدها الضعيف سألته أن يتركها لشأنها قليلآ لتلتقط أنفاسها أو ربما وجدت مخرج للهروب من جحيم فراش الدم الذى أفترشته فمنذ اللحظة الأولى لدخولهم بيت الزوجيه وهى تشعر بخشونة يديه وهى تعصر كفها الصغير وعندما ذهب الأهل وتفرق المدعوين حتى أستشعرت هاجس يملىء قلبها بالخوف فنظراته مصوبه نحو فستان زفافها تاره زائغة بين عينيها وثنايا جسدها تارة أخرى ،وقبل أن تطلب منه برهة من الوقت لتتزين وترتدى قميص النوم الذى حلمت بأرتدائه منذ سنوات حلمها بالفارس والعرس كان قد بدأ فى تقبيلها بنهم وجوع حتى شعرت بأنفاسها تتهاوى وتضيع وسط أنفاسه القويه المتلاحقه ثم أطلق يديه تنزع وتمزق ثوبها الأبيض بينما كان جسدها الضئيل يتأرجح مع حركات يديه القويه العصبيه شعرت بأن ضلوعها تتمزق مع أنسجة فستان فرحهاأستجمعت شجاعتها وحاولت أن تدفعه بعيدآ فلم تستطع ، صرخت صرخة مكتومه فلطمها بشده على وجهها وسالت قطرات من دمها ولم تكن الا بدايه لنزيف من الدماء حملها عاليآ يستعرض رجولته والقاها على فراشه ونشب أظافره فى جسدهاالبض ووضع ثنايا جسدها ومفاتنها بين أسنانه وكلما حاولت المقاومه كلما أنهال عليها بلكماته وأمطرها بسيل من قاذورات فمه المتشنج ثم شرع فى أغتصابها بهمجيه وهنا شعرت بعظامها تتكسر وشررايين الدماء تتفجر بين فخديها وصرخت وصرخت ولم يتوقف بل زاده الصراخ رغبة وساديه شعرت بعدها بجفونها تثقل و فقدت الشعور بألآمها المبرحه وبردت أطرافها و تساقطت كفرخ ذبيح سقطت العروس وسط ماتبقى من أشلاء برائتها وبقايا من كفنها الأبيض الدامى

46 Comments:

  • At 6:14 PM, Blogger Gbalawy said…

    الكفن الابيض عنوان فوق الرائع
    فكره اعتبار الانثى وعاء يفرغ فيه الرجل وقتما يشاء
    فكره تنطبق على النساء العاهرات
    لكن الزوجه؟؟؟؟؟
    انه حيوان
    الزوجه او المرأه التى يحبها يجب ان تعامل باطراف الاصابع
    يحس بجمالها ويحسسها بقدرها وشئنها
    يمكن ان يتدخل العنف ولكن بارادتهما
    ولكن

    بصى الكلام كتير لدرجه ان الكلام بجد استفزنى وكلامك شرح ومس حاله حقيقيه فعلا

    تحياتى

     
  • At 4:57 AM, Anonymous Anonymous said…

    اووووووول مرة اعرف انك قصصية يا اوسا
    العنوان نفسه حدوته لوحده
    والتابلوة متناسق مع الحكاية
    ---------
    اللة يسامحك روحى
    انا على وصفك دة قرفت من الجواز قبل ما اشوفه
    هههههههه
    ------
    وصفتى حيوانية الرجل هنا وصف دقيق
    ينطبق على معظم السيكوباتيين
    وطريقة التعامل نفسها بتعكس صورة المرأة فى ذهن الرجل الشرقى بوجة عام
    مجرد وعاء للمتعة
    بينما يعامل العاهرات وبنات الشوارع بمنتها الرقة والاحساس فى مخادعهن
    ويحرم الوعاء الحلال من كل العطف والحنان

    يا الهى
    ما ابغض الحيوانية الانسانية حين تتجسد فى انسان مجبرة ان تعيشى معه بقية عمرك

    بالتوفيق يا حبيبتى
    اول مرة اشوفك جد
    بس احلاااا جد

    امووووووة

     
  • At 7:39 AM, Anonymous Anonymous said…

    يا يا اوسة
    كل مرة اكتشف حاجة جميلة و جديدة فيكي

    ماشاء الله

    القصة حلوة اوي..و معالجة المشكلة
    اللي موجودة بالفعل عند البعض

    احييكي احييكي احييكي
    ليكي طبق مشمشية بقي ع الكلام الحلو ده
    :)

     
  • At 8:38 AM, Blogger i love you said…

    و
    بعدين ؟

     
  • At 11:37 AM, Blogger كلبوزة لكن سمباتيك said…

    جامدة جدا
    بس في تساؤل
    هي كانت تعرفة قبل الزواج اتخطبت له يعني و شافت منه العنف ده؟
    و لا هو اتقلب ليلة الفرح؟
    و هي اية سكتها علي العنف ده؟
    في كده في القرن الواحد و العشرين؟
    الوصف دقيق و صارخ و لكن اعتقد انه نادر
    ربنا يهد القوي
    ---
    انت يا بت يا اوسة مصيبة سوده ليكي في كل خرابة قرد شاطرة في كل الفروع
    انبي يا اختي تبقي تسلمي لي علي الغريب لحين قلبي واكلني عليه مش عارفة ابعتله كومنت و لا بشوفه
    صفريله من البلاكونة و قوليله كلبوزة بتسلم عليك و بتقولك عندها دستة مشابك تعالي خدها علشان تنشر بوست جديد
    --
    اموه اموه اموه
    تلاتة اموه

     
  • At 3:25 PM, Blogger soosa el-mafroosa said…

    اوسه يا حبيبتشي

    ايه المواهب دي؟؟

    و الله دانتي طلعتي نمرة

    جميلة جدا القصة و التعبيرات و استخدام الألفاظ حقيقي رائع

    حلو في الجد زي الهزار يا جميل:))

    ----------------------

    بس كنت عايزة أقولك ..هو انتي بجد عايزانا نعمل شله يعني و بلوج مع بعض؟؟

    يبقى لازم تبعتي لكل واحد الباسورد عشان يدخل و يكتب بنفسه

    والا هو كان كلام بس زي هناوين الصحافه و في الآخر البلوج بتاعك و احنا نتفرج و نعلق بس؟؟

    ردي عليا يا عسل

    حبيبتشي
    أأأمممواه

     
  • At 3:44 AM, Blogger 3rby said…

    ليه الالش ده يا كلبوزة...دانا في ثانوية عامة ومش طالبة خالص


    الموضوع حلو جدا يا اوسه...بس انتي ناوية تقلبي البلوج كلنا ليلي ولا ايه


    المهم ان الموضوع ده كويس انك تطرقتي ليه...وبالذات انه يمس كل بنت
    فعلا الوحشية في المجتمع الشرقي...واعتبار الانثة ديه حته لحمه...حاجة تقرف...والله لما حد بيتكلم عن بنت قدامي بالشكل ده
    كل اللي هامه جسمها...باقرف منه ومن البنت اللي اتكلم عليها...بيتهايئلي الزوج ده عمره ما باس مراته...حيوان
    علي فكرة ده شيء بيتهايئلي حرام
    وفعلا يعتبر اغتصاب....وانا في 3 اعدادي مدرس الساينس قالي ان الواحد بياخد حسنات لما يبقي حونين
    عسل يا اوسه

     
  • At 6:47 AM, Blogger 3rby said…

    علي فكرة الكفن اصلا لونه ابيض


    صباح الخيير
    لا وانا لسه مكتشف بعد قرايتي للموضوع بحوالي ساعاتين:)
    صيام بقه

     
  • At 11:11 AM, Blogger محمد البرلسى said…

    رائع رائع ر ائع رائع
    قصه معبره وموحيه تنم عن انسا نه موهوبه عميقة الاحسا س ارجو ان تنمى هذه الموهبه وتمتعينا بالمزيد
    سلام
    محمد البر لسى

     
  • At 12:29 PM, Blogger الأميره أوسه said…

    Gbalawy
    بالفعل هناك حالات مماثله
    و الطرفين بيكونوا ضحية
    حتى فيه ستات بيكونوا ميالين للعنف وعندهن ساديه فى التعامل مع الزوج
    شكرآ لمرورك

     
  • At 12:50 PM, Blogger الأميره أوسه said…

    شهروزه الرائعه
    أنا قصاصه قديمه جدآ
    من أيام محمد على باشا
    وعلى فكره السادى لا يميز بين زوجته وبنات الليل فى التعامل
    بل أستمتاعه لا يكتمل بغير تعذيبه للغير
    وفيه حالات كتير بس للأسف الزوجه بتكون ملزمه بالصمت الا لو الموضوع ذاد عن حده زى البنت فى القصه دى
    والقصه واقعيه ولم أشأ كتابة التفاصيل حفاظآ على مشاعر الناس
    فى قصه عايشتها وأنا صغيره
    لبنت رقيقة الجسد والطباع
    تزوجت من أحد جيرانها الشباب الأغنياء
    وكان يعمل جزار
    وتعامل معها كالبهيمه
    ولم يتركها الا وهى جثة هامده بين الحياة والموت وبعد أن أشبع رغبته المريضه طوال الليل وفى الصباح ذهبت عائلتها لزيارتها كما هو الحال ففتح لهم الباب
    فوجدوها فاقدة الوعى فقاموا بنقلها للمستشفى حيث تم نقل دماء لها و تم عمل عدة عمليات لمنطفة الحــوض لديها
    ثم معالجتها نفسيآ من آثر الصدمه
    وتم تطليقها عن طريق المحكمه ولم يعترض الزوج حيث كان قد أشبع رغبته
    وحتى الأن أذكر لقب هذا الرجل وقد علمت بالقصه من الجيران خاصة أننا توقعنا ذلك لأختلافهما فهى جامعية رقيقه وهو جزار جاهل أشبه بالثور
    وقد عرفت التفاصيل من أبنة عمه
    بل قيل والعياذ بالله أنه كان يمارس شذوذه مع الحيوانات فى الزرائب التى يمتلكونها وقد علم بأمره أفراد أسرته لذلك قرروا تزويجه وحدث مع حدث
    وتكرر الأمر مره أخرى مع أبن عمه لكن ليس بنفس الدرجه وتم تطليقه من زوجته وديآ بدون محاكم
    فى جعبتى الكثير والكثير من تلك النوعية من البشر رغم أنهم أفراد وحالات ليست كثيره ولكن ليست قليله أيضآ
    والأسباب تعود لمرض نفسى
    وأحيانآ لتعود الزوج مشاهدة أفلام أباحية من هذه النوعيه والبعد عن الدين ولو فكر الرجل قليلآ لعرف أنه لن يستمتع مطلقآ بغير أستمتاع زوجته
    ألموضوع كبيرررررررررررررررررر
    بس الراجل من دول بيبان لو فى فترة خطوبه مش تخاااافى

     
  • At 12:57 PM, Blogger الأميره أوسه said…

    Epitaph
    كل أنسان و عنده أفكار بتخرج فى حينها
    رغم انى كنت مقرره اكتب بأسلوب أستاذتى زينات صدقى بس قولت أكتب شويه من خلال ذاكرتى الفولاذيه
    لقصص من الواقع الدنيا مليانه بلاوى
    بس على فكره معظم الرجاله دلوقت بيهتموا بمشاعر البنت وبدأو يميلوا للين فى التعامل
    مبسوطه أن القصه عجبتك
    أتفضلى بقا طبق بصاره

     
  • At 1:01 PM, Blogger الأميره أوسه said…

    سيجارة بنت خالتى
    بقية القصه كتبتها فى ردى على تعليق شهروزه أنا مبسوطه منك لأن متهيألى لو راجل عاملك كده هاتكونى قويه وهاتردى بعنف
    أأمواه ليكى

     
  • At 1:08 PM, Blogger الأميره أوسه said…

    كلبوزة لكن سمباتيك
    هى كانت تعرفه قبل الزواج لأنه جارها وأبوه صاحب العماره اللى أسرتها ساكنه فيها بس مكنش فيه فترة خطوبه
    القصه دى قديمه كنت أيامها فى أعدادى
    والبنت كانت شبه نيلى كريم
    وهو كان حيطه و حبظلم كده
    وكمان هى جامعيه وهو دبلون وجزار
    بس غنى وكنا زمان بنوقف نتفرج عليها وهى ماشيه زى النسمه
    باقى القصه فى ردى على تعليق شهروزه

     
  • At 1:15 PM, Blogger الأميره أوسه said…

    soosa el-mafroosa
    الفكره فعلآ جاتلى ليه منعملش بلوج
    نكتب فيها وكلامك شجعنى أكتر
    وممكن نتفق على أسم البلوج والفكره
    بتاعته لكن بدون تحقيق هدف عشان كل واحدة أو واحد يكتب براحته المهم هو التعبير عن الذات وتكسير أى أفكار قديمه
    و عن أختيارى لبعض الأسماء فده نتيجة متابعتى ليكوا تقريبآ أفكارنا قريبه رغم أختلاف الأسلوب شويه
    على العموم فكرى فى الموضوع لو عجبك ممكن اعمل بلوج وأبعتلك الباسورد بتاعه
    ونبقا مشهورين بقا وممكن نجيب الأستاذ أبراهيم عيسى يشتغل معانا
    أهو ياكل عيش

     
  • At 1:20 PM, Blogger الأميره أوسه said…

    3rby
    بجد أنا سعيده بتعليقك
    لأنه بيأكد أن السن ملوش علاقه بأسلوب التفكير ومتوقعه ليك مستقبل عظيم أنت والواد منجى مشألله عليكوا
    والموضوه ملوش علاقه بكلنا ليلى
    الموضوع أننا بشر وكلنا بنعانى من مشاكل أو بنشوفها عند غيرنا
    عشان كده لازم نعبر عنها وأنت لو دعبست جواك هتلاقى حكايات كتير
    والكفن لونه أبيض و فستان الزفاف برضه أبيض وأحيانآ بيكون له نفس خواص الكفن بيلف الأنسان كعنوان لنهايته
    صباحك بيتفوررر

     
  • At 1:23 PM, Blogger الأميره أوسه said…

    القادم من الريف
    أولآ مرحب بيك فى المدونه
    ثانيآ بشكرك على تعليقك
    وبالفعل أنا كاتبة مشهوره
    أنا وأعوذ بالله من كلمة أنا أوسه تشيكوف أول مصريه تحوز على جايزة نوفل فى الأدب
    شكرآ على تعليقك أخجلتم تواضعنا

     
  • At 3:30 PM, Blogger lastknight said…

    مبروك البلوجر الجديد .. و كالعاده غالبا تعليقى هايكون من النوع ثقيل الدم . القصه مؤلمه .. بتفكرنى بأسلوب تفكير كافكا .. ( و ليس أسلوب كتبته ) و أتفق مع كلبوزه ( رغم اختلافى المنهجى معها ) ألم تكن هناك فترة تعارف ؟ ألم يكن قرارها بتسليم كيانها لرجل مدروسا و محسوبا بطريقه عقلانيه ؟
    أعود مره أخرى للسؤال الأ>لى المرهق .. أليست ليلى مسؤله بقدر ما عن اختيار الطاغوت ال>ى يتحكم فيها ؟
    عموما القصه ناجحه بأغلب المقاييس .. بدليل أنها آلمت كل من قرأها .. أى حققت الهدف الدرامى لها
    مبروك مره أخرى .. و بانتظار مزيد من الأعمال الثريه

     
  • At 3:36 PM, Blogger 3rby said…

    فاهم والله...ياه سبحان الله...بقه فستان الفرح لونه ابيض...حاجة غريبة...

    علي فكرة يا واسة هانم...كويس انك شيلتي الواد العبيط اللي كان معلق تحتي ده...تخيلي كان معلق عند شيريهان علي موضوع حيرانة بيقول(استغفر الله العظيم)ان ربنا نصاب


    باقولك ايه رايك ننشر دعوة فطار للبلوغرز في يوم في رمضان في اي مطعم او مائدة رحمن(الدعوة دعوة المزاجنجي)بجد نفسي اشوف كل البلوجرز,,,واشوف تخيلي لشكلهم عامل ايه...سلام

     
  • At 4:12 PM, Blogger كلبوزة لكن سمباتيك said…

    تعالوا افطروا عندي في جدة و اعملوا عمرة

     
  • At 5:20 PM, Blogger الأميره أوسه said…

    lastknight
    شكرآ لمرورك وتعليقك
    لو قريت تعليقى على شهروزه وكلبوزه
    هاتعرف أن القصه واقعيه
    أنا لقيت ان الأفضل أن القصه أسيب قدر منها مهمل حتى أعطى فرصه لطرح التساؤلات والشد والجذب
    وبصراحه عجبنى جملتك
    أن القصه فى أغلبها ناجحه لأن ده المطلوب نقد موضوعى
    وعلى فكره أنا سبق ليه نشر القصه دى فى جريدة الوقائع المصريه سنة
    1834
    فى القرن التاسع عشر ونالة أستحسان على بيه كتكوت
    ههههههههههههه
    يا أخى مش عارفه أكون جد معاك
    متكسفنيش بقاااا
    نياهاها

     
  • At 5:22 PM, Blogger الأميره أوسه said…

    كلبوزة لكن سمباتيك
    شكرآ على الدعوه
    بس أزاى نعمل عمره فى جده
    مش العمره بتكون فى الرياض
    ؟؟؟؟؟؟
    وبعدين أنا معايا فلوس أنزل العتبه
    أنا فقيررررره
    أأأمواه

     
  • At 8:32 PM, Blogger Racha Khoury said…

    ااسف لوجود اشخاص ليومنا الحالي بهذه الوحشية ..توجد قصص كثيرة لسيدات عانوا وبعضهم ماتو وبعضهم كبتو لان المجتمع لا يسمع من المراة معاناتها ..اوسة انت مبدعة والصور الفنية هيلة والاسم جميل وكلك على بعضك انسانة مميزة

    سلام يا اديبة:)

     
  • At 2:50 AM, Blogger 3rby said…

    وتقوليلي معاش اللي يستهفيك يا بتاع عباس العقاد

    مره تشيليلي تعليق ومره تنفضيلي
    ماشي يا اوسه...اما خليتك تعملي سبعين غرزة في وشك مابقاش انا عربي

     
  • At 4:26 AM, Blogger الأميره أوسه said…

    3rby
    عربــــــــــــــى
    مختش بالى والله معلش الصيام بقا
    شوفت الواد اللى كان تحتك ده من هواة الألفظ الخارجه فى المدونات كل مزور مدونه لواحده لازم أقابل تعليقاته المريضه
    أنا قولت أمسح تعليقه مش ناقصه خانقه
    المهم أنت عامل أيه النهارده
    وبعدين موضوع الدعوه للبلوجريه لحضور أفطار بجد هايل بس المشكله أنى معظم الأيام بفطر فى الشغل
    أكل العيش بقا
    وبلاش سبعين غرزه كفايه ستين عشان النيولوك يبقا معقول
    كل رمضان وأنت طيب يا عربى

     
  • At 4:27 AM, Blogger الأميره أوسه said…

    Rasha
    أنا مبدعه الله يخليكى يا قمر
    أهىء أهىء
    دى دموع الفرح
    انا فرحانه

     
  • At 8:49 AM, Blogger Adel said…

    يا ليلة سودة دي ولا فيلم المغتصبون بتاع لولة علوى بس بجد اسلوبك واقعي واقعي واقعي وخايف اقول اللي فقلبي .... مين بقى بيني وبينك اللي اتعمل فيها كده سؤال بريء

     
  • At 1:17 PM, Blogger 3rby said…

    حاولي تاخديلك يوم اجازة

     
  • At 1:56 PM, Blogger الأميره أوسه said…

    مزاجو
    دى قصة واحده كانت ساكنه فى الجوار
    وكنت وقتها صغيره بس فكراها كويس
    ممكن تقرا ردى على تعليق شهروزه
    فيه بقية القصه
    بجد القصه حلوه طيب أحكيللى حدوته عشان أنام

     
  • At 1:57 PM, Blogger الأميره أوسه said…

    عربى
    منا باخد أجازه
    بس يدوب شغل البيت وأرتاح من الخروج
    أنا المواصلات قرفانى
    معنديش عربيه
    أعععععععععععععععععععع

     
  • At 3:07 PM, Blogger tota said…

    اوسة

    زى ما قلتى طبعا ان الشخصية مريضة وسادية الى ابعد الحدود
    بس فى الواقع السادى ليس فقط يبدو فى حالة الضرب او العنف انما يتمثل ذلك فى الكثير من التصرفات
    الحالة المذكورة لا تتناسب بأى حال من الاحوال مع الفتاه لا فى مستوى التعليم ولا الطباع فالرقة الموصوفة لا تتناسب مع الجزار ولا انفى عليه كونه انسان له مشاعر لكن باقى الملابسات بتشير الى عكس ذلك
    يوجد حلقة مفقودة لان ابسط سؤال عن هذا الكائن هيوضح مدى مرضه وقبولها الزواج منه يشير الى خطأ فاحش
    اكيد فى حاجة غلط بس اى ان كان المجتمع لازم ينبذ الافراد المريضة دى حتى يتم علاجها لكن التعامل معهم وتزويجهم على امل ان يكون هذا هو العلاج ليس بالطريق الصحيح
    فى المجمل دراما القصة عالية جدا مؤلمة وتجرح الشعور الانسانى بشدة
    مختلفة عن طريقتك الساخرة لانك متألمة لدرجة لا تسمح بالسخرية
    تحياتى

     
  • At 3:43 AM, Blogger 3rby said…

    انتي كاتبة ان البلوج ده دعوه للتفكير وكده

    فاعاوز اناقش حاجة
    مش لازم نبصله انه ديب وكده
    احنا في مجتمع شرقي وديننا وتقاليدنا بيحرموا الزنا...وفي نفس الوقت الواحد مننا بيشوف مناظر في الشارع ولا اجمدها فيديو كليب...اكيد يعني هايجلنا كبت...علشان كده الحكاية مش هاتتحل من ناحية واحدة...يعني الرجالة مش هاتتعالج والبنات اللي في الشوارع يفضلوا كده...هايعيوا تاني...علشان كده المفروض نعالج مرض التفاهه اللي عند بنات كتير...صحيح التفاهه موجودة كمان بين الولاد...ويمكن اكتر...بس ده مش هايعمل ماسي زي اللي بتقولي عليها...بيضر نفسه في المرتبة الاولي...الا لو كان مجرم طبعا...بس ده بيبقي اسلوب في الحياة...من قبل التفاهه من مخدرات وغيره لكن البنات لما بيبقوا تفهه بتقلب معاهم بقلة ادب....انا هنا في عباس العقاد باشوف مناظر بتحسسني اني في شارم


    انا مش حنفي والله...بس حاولت اناقش الموضوع بموضوعية...حتي تلاحظي ان اول تعليق كنت مدايق من الواد...صحيح حيوان...بس زي ما قلت ممش حيوان خلقة

     
  • At 11:51 AM, Blogger الأميره أوسه said…

    توته العزيزه
    وحشتينى و وحشتنى تعليقاتك
    مفيش حلقة مفقوده
    كل الموضوع أن أسرة البنت فرحت بعريس غنى وجاهز وعربية
    المظاهر خداعه
    وبأكدلك أن الموضوع أتكرر مع أبن عمه كمان
    يظهر أن ده مرض بالوراثه
    تحياتشى

     
  • At 11:59 AM, Blogger الأميره أوسه said…

    عربى
    الموضوع مش قضية عنف أسرى
    ولا عنف فى التعامل
    القصه عن مرض موجود فعلآ
    والحل أن الناس المريضه تتعالج
    من ساديتها أو ماسوشيتها
    بس باحييك أنك بتحاول تشوف حل

     
  • At 12:21 PM, Blogger الأميره أوسه said…

    كارمن
    الأمثله كتيره وموجوده حوالينا
    أنا قريت حادثه فى الجريده عن نفس الموضوع
    أوعى تكونى ساديه

     
  • At 7:56 AM, Blogger فانتوماس said…

    العزيزة اوسه
    تخيلي وللمصادفة البحته انا داخل في قصة زي دي لصلة القرابة حاليا بس العنف فيها مش قوي كده يا دوب البغل الاسترالي ضربها اربع مرات وفي احداها نزفت من وجهها جامد فاصيبت بحالة نفسية بمرور الوقت وبعد مرور اكثر من عشر سنين جواز اصبحت ترفضه تماما وقالت جملة غريبة جدا انها كانت تبكي في صمت وكانها نائمة بعد كل مرة, لذلك فاتها تخاف منه وترفضه ليس هو فقط بل الموضوع كله. حاجه تقرف ليه البغال دي بتعمل كده

     
  • At 5:50 PM, Blogger lastknight said…

    الأميره أوسه
    أولا كون بطبيعتك .. جد أو مش جد أنتى دمك خفيف و باحترم تعليقاتك بوجه عام .. ثانيا أنتى قلت أن ممكن مدونين تانيين يشاركوا بقصص فى مدونتك دى . طيب أنا عاوز اشترك بقصه أعتقدها واقعيه .. هاتلاقيها فى مدون الغلبانه باسملقاء آخر على اليابسه . واللينك بتاعها هنا
    http://lastknight1964.blogspot.com/2006/06/blog-post_114916538796540975.html#links
    أتمنى لو تنشريها عندك .. و أتمنى طبعا فتح المناقشه عنها
    شكرا مقدما

     
  • At 5:36 AM, Blogger ody911 said…

    يابنتى تعبتينى
    خلى بالك
    أحنا فى رمضاااااااااااااااااان
    ألا ممكن تكملى الحكاية بعد الفطار
    بالتفصيل يعنى ؟؟
    هاه
    ممكن؟؟

     
  • At 5:43 AM, Blogger ody911 said…

    مبروك على البلوج الجديد

     
  • At 10:11 AM, Blogger الأميره أوسه said…

    فانتوماس
    ليه سكتت عليه سنوات طويله
    مسكينه ربنا معاها


    ===============

    فارس قديم
    حالآ سيتم النشر
    تحت أمرك
    ========================

    اودى
    باقية الحكاية فى ردى على تعليق شهروزه
    عادى بقا

     
  • At 9:46 PM, Blogger LAMIA MAHMOUD said…

    لاء بجد جت لي حالة قرف .. انا قمت رجعت يا شيخة حرام عليكي .. حيوان بجد حيوان
    انا مش مستوعبة اصلا .. في ناس كده والمفروض الواحدة تعمل اية بقى تجربه من قبل الجواز .. سوري يعني في الكلام
    حيوان لاء ده انا كده بظلم الحيوانات ده .. ده اكيد عنده نقص
    عبقرية في السرد بس بجد القصة صعبة وبشعة

     
  • At 1:36 AM, Blogger الأميره أوسه said…

    عزيزتى لمياء
    القصه دى عايشتها زمان وفعلآ هى قصه وحشيه والتفاصيل اللى لم أنشرها أكثر وحشيه
    لا يا حبيبتى كله بيبان فى الخطوبه
    متخافيش
    أأأمواه

     
  • At 2:50 PM, Blogger shimaa said…

    enty 3bkrya ya bnty fe elsrd w t5eel elmshahd..bs 2keed eli ye3ml kda da 7d mreed nfsy mosh tbe3y
    ..f3ln elw7d b3d elgwaz yama bektshf 3youb bs i think el3ounf w elhmgya de btban 2bl elgwaz fe tsrfato bsfa 3ma l2no bny 2dam mreed 2sasn ..w mosh 3rfa azy sabrt 4 sneen b7lhom
    b3eden b2a 3n da kolo 2sm el story 7lw 2wii f3ln ..a5tsr gw elqsa kolo in 2 words

     
  • At 3:10 AM, Blogger BackBone said…

    معبرة و قسية قوي

     
  • At 3:37 PM, Blogger Radwa said…

    بصراحه مش عارفه اعلق اقول ايه مصير ليله زفافها صارخ وصعب مااقدرش اعلق عليه كل اللى اقدر اقولهان اسلوب عرض القصه دى هايل ومثير وفى جرأة رهيبه انا علشان جيت اكتب قصه فى جزأ هيتكلم عن المشهد دا بس مش بتعمق كده ولا بالعنف نفسه لا كان احاسيس بس فضلت كتير اوى امسح واكتب امسح واكتب لانى كنت خايفه من اى كلمه اكتبها تكون خارجه بوست هايل وموقف مؤثر

     
  • At 4:52 PM, Blogger simple girl.. ..simple dream said…

    OMG
    THAT'S SOOOOOO AMAZING
    IT'S REALLY AN EYE OPENNER
    انت فعلا تفوقت اوى فى البوست دة
    اولا الفكرة فى حد ذاتها عبقرية
    وبعدين اسلوب عرضك ليها قد ايه معبر ومؤثر
    فعلا كل راجل لازم يقراها عشان يعرف هو بيدبح ايه فى مراته بحيوانيته معاها
    احييكى بجد على البوست دة

     

Post a Comment

<< Home